Skip to main content

" 2018 اور رب ذوالجلال کی مہربانیاں !"




" 2018 اور رب ذوالجلال کی مہربانیاں !"
ویسے تو
پروردگار عالم کی مہربانیاں گننا ناممکن ہے
لیکن
سوچا کیوں نہ
اس مہربان کی عطائیں شمار کرنے کو رواج دیا جائے۔۔
2018 کے شروع سے آخر تک
سب گھر والے خوب صحت مند رہے، شکر گزار رہے۔۔
چھوٹے بھائی کو کینسر تشخیص ہوا
اور ڈیڑھ مہینے کے اندر اندر شفاء اس کا مقدر ٹھہری۔۔
پورا سال
بھائیوں میں اضافہ ہوتا رہا، دوستوں میں اضافہ ہوتا رہا۔۔
ہزاروں دلوں میں پلاٹ لیے، گھر تعمیر کیے۔۔
کئی احباب کی خوشیوں میں
مور بن کر ناچا اور کئی احباب کے دکھوں پہ آنسو بہائے۔۔
بیسیوں سکولوں، کالجوں اور محفلوں میں جانا ہوا۔۔
ہزاروں چھوٹے بھائیوں کے سامنے
رب ذوالجلال کی عطائیں شمار کرنے کا موقع ملا
اور
ان تک
سید عطا محمد شاہ مرحوم کے مشن کو آگے بڑھاتے ہوئے،
اندھیروں سے اجالوں تک پہنچنے کے راز پہنچائے۔۔
2012 اور پھر 2018 ماڈل کاریں عطا ہوئیں۔۔
اسکندرآباد میں
6 سال کی قلیل مدت کی پرائیویٹ ڈینٹل پریکٹس کے بعد
کوٹھی بنانے کی بجائے، پلاٹ لینے کی بجائے،
میانوالی شہر میں
تقریبا 40 لاکھ مالیت کا
سرگودھا ڈویژن کا جدید ترین ڈینٹل کلینک بنانے کا شرف حاصل ہوا، جس کا افتتاح میرے اساتذہ کرام نے کیا۔۔
جس سے
اپنی مٹی اور اپنے ضلع کے باسیوں تک جدت کے ساتھ
اپنے پروفیشن کو پہنچانے کا موقع ملا۔۔
موساز آڈیٹوریم (ٹیچرز ہال) کی صورت میں
اپنے اساتذہ کرام کو خراج تحسین پیش کرنے کا موقع ملا۔۔
نیشنل یوتھ اسمبلی پاکستان کا ضلعی صدر منتخب ہوا،
گو کہ
اس پلیٹ فارم سے اپنے ضلع کے لیے کچھ خاص نہ کر پایا۔۔
محمد عیسی خان کے روپ میں
رب ذوالجلال کی طرف سے تحفہ پہنچا۔۔
اسی سال ہی
باقاعدگی سے
روزانہ اپنے ماں باپ کے ہاتھ چومنے اور انھی ہاتھوں کو اپنی آنکھوں پر لگانا نصیب ہوا۔۔
جس دور میں
ہم ڈاکٹرز اپنے مریضوں کو
اپنی جاگیر سمجھ بیٹھتے ہیں
اور ڈرتے رہتے ہیں کہ
یہ مریض کسی اور ڈاکٹر کے پاس نہ چلے جائیں،
چھوٹے بھائی ڈاکٹر ذیشان کالاباغ کو
اپنا فیملی ڈینٹل کلینک اسکندرآباد پیش کر دیا تاکہ
وہ بھی
اپنے علاقے میں لوگوں کی خوب خدمت کر سکیں
اور انھیں بھی
میری طرح ادھار لے کر پہلا پہلا کلینک نہ بنانا پڑے۔۔
میانوالی کے
2 بیٹوں کے سارے تعلیمی اخراجات اٹھانے کا شرف بھی نصیب ہوا۔۔
پورا سال جو بھی ملا،
اس کی پیرومرشد جتنی عزت کرنے کی ہمت بھی ملی رہی۔۔
سارا سال
فیس بک پر تحاریر،
ہزاروں آنکھوں میں آنسو بن کر چھلکتی رہیں اور ان آنکھوں کو امیدوں کا سرمہ لگاتی رہیں۔۔
ماں باپ، اپنے اساتذہ کرام اور اپنے محسنوں کو خراج تحسین پیش کرتی رہیں۔۔
الحمداللہ رب العالمین۔۔
بےشک ! تو ہی پاک ہے
اور تیرے محبوب صلی اللہ علیہ وآلہ وسلم کا اسوہ حسنہ ہی ہمارے لیے زندگی گزارنے کا بہترین نمونہ ہے۔۔
_____ موساز _____

Comments

Post a Comment

Popular posts from this blog

وہ عجیب سی شام تھی

وہ عجیب سی شام تھی بائیں ہاتھ کی انگلیوں میں سگرٹ ہونٹوں تک آیا ۔۔۔ پلکیں بھنچ گئیں۔۔۔ ماتھے کی افقی لکیریں آفاقی ہو گئیں۔۔۔ ساون* بھی برس رہا تھا۔۔۔ دھویں کے بادل فضا میں بکھیرتے اس درویش کی آواز گونجی۔۔۔ "میرے بہت سے بزرگ دوست تھے۔۔۔ بزرگوں کی دوستی سے بہت کچھ سیکھنے کو ملا، میں ۔۔اور ارشد وٹو لائبریریاں گھنگالتے۔۔۔ کتابیں پڑھتے ۔۔۔اچھے لکھنے والوں سے ملتے ۔۔ میرے بہت سے دوست عمر میں مجھ سے کافی بڑے تھے پھر میں نے زیادہ عمر کے لوگوں سے دوستیاں ترک کر دیں" یہ کہتے ہوئے درویش کی آنکھوں میں نمی اتر آئی قبل اس کے کہ میں پوچھتا کہ۔۔۔کیوں ترک کیں دوستیاں۔۔۔ درویش کی آواز نے لمحاتی سناٹے کو توڑا۔۔ ہمممممم۔۔۔۔ وہ مر جاتے تھے۔۔۔ بزرگ دوست مر جاتے تو میں بھی مر جاتا تھا ۔۔۔ پھر میں نے صرف نوجوانوں کے ساتھ بیٹھنا شروع کیا۔۔۔ وہ اذیت سہنا ۔۔۔ بہت کرب انگیز تھا "شاکر ،تم سمجھ رہے ہو نا؟" جی جی۔۔۔ جی بھائی۔۔۔ کالاباغ میں کوٹ چاندنہ کی سمت بڑھتے رستے پہ ایک عام سے ریسٹورنٹ کے کشادہ کمرے میں اس درویش نے اتنی باتیں ۔۔ خلوص کا ریپر کر کے میری ذہن کی جھولی میں پھین...
Post a Comment
Read more

وسیب کے رنگوں میں رنگے سرائیکی وسیب

 #ماہرتعلیم_پروفیسرسرورنیازی_کا_اردو_ناول_کچہ_اشاعت_کے_آخری_مراحل_میں پروفیسرسرور خان نیازی کا شمار شعبہ تعلیم میں میانوالی کے نامور اہل علم اور بزرگ اساتذہ میں ہوتا ہے جو اپنی سادہ طبیعت، علم و ہنر سے وابستگی اور اعلی ذوق کی وجہ سے شعبہ تعلیم میں نمایاں مقام رکھتے ہیں وہیں باذوق طبیعت کے مالک اور اچھے مصنف اور رائٹرہیں جو سرائیکی وسیب اور میانوالی کی ثقافت سے والہانہ محبت اور عقیدت رکھتے ہیں جس کا اظہار وہ اپنے جلد آنے والے اردو ناول " کچہ" جو کہ طباعت کے آخری مراحل میں داخل ہو چکا ہے میں خوبصورت انداز میں کرتے ہیں ان کا اردو ناول "کچہ" جلد ہی طباعت کے مراحل سے ہو کر میانوالی اور بھکر کی علاقہ کچہ کی ثقافت کا امین یہ شہکار ناول وسیب سے عقیدت و محبت کرنے والے عشاق کے دلوں کو منور کرنے کے لیے ان کے ہاتھوں میں ہو گا اس ناول کی کہانی احاطہ کرتی ہے ان خاندانوں کا جو چشمہ بیراج کی تعمیر کے ہاتھوں اجڑے اور غم کی دستان ہے ان بچھڑے خاندانوں کی جو ہنستے بستے گھروکو چھوڑ کر دور دیسوں کے باسی ٹھہرے ذکر ہے ان کچہ کے وانڈوں دیہاتوں کا جہاں کبھی خوشیاں رقص کرتیں تھی مگر اب داست...
Post a Comment
Read more

میانوالی ہمارے شہر میں کل پھر کئی قتل ہو گئے.

میانوالی ہمارے شہر میں کل پھر کئی قتل ہو گئے, کئی ماؤں کے کلیجے پھٹ گئے, کئی بہنوں کے کلیجے چھلنی ہو گئے… جس نے بھی دنیا میں ایسی ” غیرت ” کی داغ بیل ڈالی تھی, اس ” بےغیرت ” پر بےشمار لعنت بھیجنی چاہیے… ایسی گھٹیا "غیرت” کی نشانیاں۔۔۔ دشمنیوں سے اٹے ضلع میانوالی کی معروف شخصیت ڈاکٹر حنیف نیازی اپنی ایک خصوصی تحریر میں لکھتے ہیں ۔۔۔۔۔1_میں کسی کو راستہ نہ دوں, وہ ہارن بجاۓ تو میں اس پر ناراض ہو جاؤں, وہ کچھ بولے تو میں بپھر جاؤں اور اسے قتل کر دوں… 2_میں کسی ٹول پلازہ سے ٹیکس دیئے بغیر گزر جاؤں, وہ مجھے روکیں اور ٹوکیں تو مجھے غیرت آ جاۓ اور میں ان پر فائر کھول دوں… 3_میں کسی سے مذاق کروں, وہ مجھے مذاق کرنے سے روکے تو میں اسے مارنا شروع کردوں۔۔ اور اگر وہ صابر شاکر ہو کر میری مار نہ کھاۓ, تو میں اسے چھری مار دوں… 4_میں کسی کی بہن، بیٹی یا بیٹے کو تنگ کروں, وہ میری منت سماجت کریں, مجھے برا لگے اور میں ان کا خون کر دوں… 5_میں کسی کے کھیت کا پانی توڑ لوں, وہ مجھ سے باز پرس کرے تو میں آگ بگولہ ہو کر 12 بور کا فائر کھول دوں…وغیرہ وغیرہ حد ہے !اسی "گھٹیا غیرت” نے ہمارے ضلع کو ...
Post a Comment
Read more